Xarici xəbərlər
Təzyiqlər artır: Tehran nüvə ambisiyalarını dayandırmağa məcbur edilir
İrana qarşı nüvə proqramı ilə bağlı təzyiqlər artıb.
qəzetin analizinə görə, Tehran artıq uranın zənginləşdirilməsi ambisiyalarından imtina etməyin vaxtının çatdığını anlamalıdır.
Məqalədə vurğulanıb ki, İsrailin baş naziri Benyamin Netanyahu bu prosesdə mühüm rol oynayır və onun sərt mövqeyi ABŞ prezidenti Donald Trampın dövründə İrana qarşı tətbiq olunan təzyiq mexanizminin əsas elementlərindən biri olub.
“İsrailin hərbi hücum ehtimalı, əslində, imzalanmağa dəyər bir nüvə sazişinin açarıdır. İran hökuməti bilməlidir ki, uranın zənginləşdirilməsindən – yəni nüvə silahı istehsalına aparan yoldan – əl çəkmədikcə, hərbi müdaxilə riski hər zaman qalacaq”, – deyə məqalədə bildirilir.
Nəşr qeyd edir ki, İran rəsmiləri əvvəllər Qasım Süleymaninin qətlinə görə Donald Trampla heç vaxt danışıqlara getməyəcəklərini bəyan etsələr də, hazırda ABŞ-la dolayı danışıqlar aparmaqdan çəkinmirlər.
“The Wall Street Journal” həmçinin xatırladır ki, Tehran uzun müddət nüvə proqramını dayandırmayacağını bildirirdi. Lakin indi İran rəsmiləri ilk dəfə olaraq zənginləşdirmə prosesinin müvəqqəti dayandırılmasından danışmağa başlayıblar. Bu isə diplomatik masaya dönüş siqnalı kimi qiymətləndirilir.
22:37 31.05.2025
Oxunuş sayı: 1111
