Lavrov İsrailin hərbi əməliyyatlarını pislədi: "Qan tökülməsini dərhal dayandırın!"
Rusiyanın xarici işlər naziri Sergey Lavrov Qəzzadakı vəziyyətlə bağlı sərt bəyanat verib.
Crossmedia.az xarici mediaya istinadən xəbər verir ki, o, İsrailin Qəzzaya endirdiyi zərbələri “mülki əhalinin kollektiv cəzası” adlandıraraq, bu hərəkətləri beynəlxalq humanitar hüquqa zidd və qeyri-mütənasib hərbi güc tətbiqi kimi qiymətləndirib.
Lavrov, İsrailin HƏMAS-ın 7 oktyabr 2023-cü il hücumuna cavab olaraq əməliyyat apardığını etiraf etsə də, qan tökülməsinin dərhal dayandırılması üçün ərəb ölkələri və digər tərəflərlə birgə çağırış etdiyini vurğulayıb.
Qeyd olunur ki, Rusiya ilə İsrail arasında uzun illərdir davam edən siyasi və hərbi əməkdaşlıq mövcuddur.
Moskva Suriyadakı əməliyyatlarda İsraillə koordinasiyanı qoruyur və eyni zamanda, Rusiya-Ukrayna münaqişəsi fonunda Qərbin sanksiyalarına qoşulmaqdan ehtiyat edir.
21:26 29.05.2025
Oxunuş sayı: 870
