Tramp: “Putin və Zelenski ilə görüşməyə hazıram”
ABŞ Prezidenti Donald Tramp, Rusiya-Ukrayna müharibəsi ilə bağlı verdiyi açıqlamada, “Gərəkərsə Putin və Zelenski ilə görüşməyə hazıram”, - dedi.
Crossmedia.az xarici KİV-ə istinadən xəbər verir ki, Tramp gündəmlə bağlı açıqlamalarında Rusiya-Ukrayna müharibəsinə toxundu. Rusiya Prezidenti Vladimir Putinin müharibəni bitirmək istəyib-istəmədiyi barədə konkret fikir bildirməyən Tramp, “Əgər bizimlə oynamağa çalışarsa, fərqli reaksiya verəcəyik”, - dedi.
Tramp Ukraynada baş verənləri “məyusedici” adlandıraraq, sülh üçün lazım olarsa həm Putin, həm də Zelenski ilə görüşməyə hazır olduğunu bildirdi.
Ukraynadakı müharibəyə görə Rusiyaya yeni sanksiyalar tətbiq olunması məsələsində tərəddüd etdiyini deyən Tramp, bu cür addımların atəşkəsə mane olmasını istəmədiyini vurğuladı: “Əgər bir razılaşmaya yaxın olduğumu hiss edirəmsə, bunu sanksiyalarla pozmaq istəmirəm”.
ABŞ Prezidenti, İranla davam edən nüvə danışıqlarına da toxundu və prosesin yaxşı getdiyini bildirdi. Tramp, İsrail Baş naziri Benyamin Netanyahunu İrana hücum etməməsi üçün xəbərdar etdiyini də açıqladı: “Dürüst desəm, bəli, xəbərdarlıq etdim. Özünə dedim ki, hazırda bunun uyğun bir vaxt olduğunu düşünmürəm”.
Tramp həmçinin bildirib ki, Harvard Universitetinin qəbul etdiyi xarici tələbələrin sayı 15 faizlə məhdudlaşdırılmalı və universitet rəhbərliyi mövcud xarici tələbə siyahısını açıqlamalıdır. “Harvard özünə çəkidüzən verməlidir. Ölkəmizə böyük hörmətsizlik edirlər və etdikləri iş getdikcə daha da çıxılmaz hala gəlir”, – deyə o bildirib.
Mədinə Cəlilova
23:45 28.05.2025
Oxunuş sayı: 10658
