KİV: Çin hər an Tayvana qarşı müharibəyə başlaya bilər
Çin Xalq Azadlıq Ordusu (XAO) Tayvanın mümkün işğalına fəal şəkildə hazırlaşır və bunun əlamətləri getdikcə daha açıq müşahidə olunur.
Crossmedia.az xəbər verir ki, bu barədə “Financial Times” qəzeti məlumat yayıb.
Məqalədə qeyd olunur ki, Pekin son illərdə ordunun quru, dəniz və hava qüvvələrini geniş şəkildə modernləşdirib və hazırda hər an sülhdən müharibə vəziyyətinə keçə biləcək hərbi gücə malikdir.
Tayvan ordusunun yüksək rütbəli nümayəndəsi qəzetə bildirib ki, Çinin hərbi-hava qüvvələri və raket bölmələri istənilən vaxt döyüş əməliyyatlarına başlamağa hazırdır.
Hərbi analitiklər, Xalq Azadlıq Ordusunun son illərdə həyata keçirdiyi aviasiya, donanma və raket manevrlərinin sadəcə təlim xarakteri daşımadığını, eyni zamanda real işğal planlarını gizlətmək məqsədi daşıya biləcəyini qeyd edirlər.
Qeyd edək ki, dünyanın diqqətinin hazırda əsasən Ukrayna və Yaxın Şərqdəki münaqişələrə yönəldiyi bir vaxtda Şərqi Asiyada vəziyyət getdikcə daha da gərginləşir.
21:36 27.05.2025
Oxunuş sayı: 845
