ABŞ səfirindən açıq mesaj: “İranla saziş olsa belə, şərtləri sərt olacaq”
ABŞ-nin NATO-dakı səfiri Metyu Uitker İranla mümkün nüvə razılaşmasına dair vacib açıqlama verib.
Crossmedia.az xəbər verir ki, diplomat “Fox News” telekanalına müsahibəsində Vaşinqtonun yalnız etibarlı, yoxlanıla bilən və həyata keçməsi mümkün olan razılaşmalara açıq olduğunu bildirib.
“ABŞ belə bir sazişə razı olmayacaq ki, nə onun icrasına, nə də nəzarət mexanizmlərinə zəmanət verilsin,” – deyə Uitker qeyd edib.
O, həmçinin ABŞ prezidenti Donald Trampın mövqeyini xatırladıb: “İran heç vaxt, nə danışıqlar yolu ilə, nə də başqa vasitələrlə nüvə silahı əldə etməyəcək”.
Diplomatın bu bəyanatı İranın nüvə proqramı ətrafında gedən intensiv beynəlxalq müzakirələr və mümkün danışıqların bərpası ilə bağlı ehtimallar fonunda səsləndirilib.
01:58 26.05.2025
Oxunuş sayı: 536
