Xarici xəbərlər

ABŞ-da üç məscidə hücum edilib

ABŞ-ın Texas ştatının Ostin şəhərində eyni gecə üç müsəlman dini mərkəzinə – Nueces məscidi, İslam Əhli-Beyt Dərnəyi (IABA) və Ostin Dini İşlər Mərkəzinə hücum edilib.

Crossmedia.az-ın xarici mediaya istinadən verdiyi məlumata görə, hücum zamanı məscidlərin giriş lövhələri və divarlarına yəhudi xalqının qoruyucusu və güclü inancını təmsil edən dini simvol - Davud Ulduzu çəkilib.

Amerika-İslam Münasibətləri Şurası (CAIR) hadisələri planlı nifrət cinayəti kimi qiymətləndirib.

Nueces məscidinin rəsmisi Revand Abdulqəni artan islamofobiya və anti-immiqrant əhval-ruhiyyəsinin narahatlıq doğurduğunu bildirib.

Hücumla bağlı istintaq davam edir, hüquq-mühafizə orqanları məlumat verilməsi üçün vətəndaşlara müraciət edib.

🖨 Çap et

23:35 25.05.2025

Oxunuş sayı: 407