Xarici xəbərlər

ABŞ və Çin qarşılıqlı tarifləri 90 gün müddətinə azaldır

ABŞ və Çin arasında ticarət müharibəsinin yumşaldılması istiqamətində atılan addım çərçivəsində tərəflər qarşılıqlı tarifləri müvəqqəti olaraq azaldacaq.

Crossmedia.az xəbər verir ki, bu barədə iki ölkənin birgə bəyanatında bildirilir.

Bəyanata əsasən, Çin Amerika mallarına tətbiq olunan tarifləri 125 faizdən 10 faizə, ABŞ isə Çin məhsullarına tətbiq etdiyi rüsumları 145 faizdən 30 faizə endirəcək.

Bu razılaşma mayın 10-11-də Cenevrədə keçirilən danışıqlar zamanı əldə olunub. Görüşlərə ABŞ-ın Maliyyə naziri Skott Bessent və Çin Baş nazirinin müavini He Lifeng rəhbərlik edib.

Razılaşmaya əsasən, güzəştlər 90 gün müddətində qüvvədə olacaq və bu dövr ərzində tərəflər ticarət münasibətlərində yaranmış gərginliyi daha da azaltmaq məqsədilə əlavə addımlar atmağı planlaşdırır.

🖨 Çap et

14:30 12.05.2025

Oxunuş sayı: 962