Milyonların sevimlisi “OneRepublic” ilk dəfə Bakıda!
Aprelin 28-də dünya şöhrətli pop-rok qrupu OneRepublic Bakıya gəlir! Qrup, “The Artificial Paradise” dünya turu çərçivəsində Baku Crystal Hall-da unudulmaz konsert proqramı ilə çıxış edəcək.
Crossmedia.az xəbər verir ki, məşhur ifaçı və söz yazarı Ryan Tedder başda olmaqla, Zach Filkins, Drew Brown, Brian Willett, Brent Kutzle və Eddie Fisher-dən ibarət qrup, öz enerjisi və hit mahnıları ilə pərəstişkarlarına unudulmaz axşam yaşadacaq.
2007-ci ildə “Dreaming Out Loud” debüt albomu ilə musiqi dünyasına güclü giriş edən OneRepublic, qısa zamanda "Apologize" sinqlı ilə bütün rekordları alt-üst edib. Ardınca gələn “Waking Up”, “Native”, “Oh My My” və “Human” albomları qrupun dünya arenasında mövqeyini daha da gücləndirib. “Counting Stars”, “Secrets”, “Good Life” kimi hitləri illərdir dinləyicilərin sevimlisidir.
Qrup eyni zamanda UEFA Euro 2024 üçün İtaliyanın Meduza qrupu və alman müğənnisi Leoni ilə birlikdə rəsmi “Fire” mahnısını yaradıb. OneRepublic-in son buraxdığı “Hurt” sinqlı isə artıq pərəstişkarların yeni favoritinəd çevrilməkdədir.
Ayan Sədi
19:50 26.04.2025
Oxunuş sayı: 1325
