Tramp NATO-dan çıxmadan da alyansı parçalaya bilər
ABŞ prezidenti Donald Tramp, Birləşmiş Ştatlar NATO-dan çıxmasa belə, alyansı parçalaya bilər.
Crossmedia.az "Newsweek" nəşrinə istinadən xəbər verir ki, Tramp NATO-dan rəsmi olaraq çıxmadan da alyansı faktiki olaraq parçalaya biləcək bir neçə addım ata bilər.
"Qeyri-rəsmi proses daha da asan olardı" – deyə Britaniyanın Ekseter Universitetinin beynəlxalq təhlükəsizlik və strategiya kafedrasının dosenti Devid Blagden Newsweekə bildirib. Onun fikrincə, Tramp administrasiyasının ABŞ-nin NATO-nun 5-ci maddəsi üzrə öhdəliklərini yerinə yetirməyəcəyinə dair yalnız bir eyham vurması kifayətdir ki, alyansın nüfuzu "faktiki olaraq məhv olsun".
Böyük Britaniyanın Kral Birləşmiş Müdafiə Tədqiqatları İnstitutunun beynəlxalq təhlükəsizlik üzrə direktoru Nil Melvin isə qeyd edib ki, "əlaqələrin təməli olan etimad artıq sarsılmağa başlayıb".
"Məsələ rəsmi çıxış prosesindən daha çox, ABŞ-nin NATO-da həqiqətən iştirak edib-etməyəcəyinə dair yaranan şübhələrlə bağlıdır" – deyə o əlavə edib.
Zəhra Məmmədova
12:14 23.03.2025
Oxunuş sayı: 2663
