Misirdə turist avtobusu qəzaya uğrayıb: 3 ölü, 25 yaralı
Misirdə turistləri daşıyan avtobusun yük avtomobili ilə toqquşması nəticəsində 3 nəfər ölüb, 25 nəfər yaralanıb.
Crossmedia.az xəbər verir ki, Misirin Qırmızı dəniz əyalətinin səhiyyə qurumu bu barədə məlumat yayıb.
Hadisə oktyabrın 30-da Hurqada–Ras-Qarib avtomobil yolunda, Cəbəl əz-Zeyt ərazisi yaxınlığında baş verib.
İlkin məlumatlara görə, sərnişin avtobusu qum daşıyan ağırtonnajlı yük avtomobili ilə toqquşub.
Yaralananlar arasında İtaliya, Rusiya və Fransa vətəndaşları da var. Məlumata əsasən, xəsarət alan əcnəbilərdən üçü Rusiya, biri İtaliya, digəri isə Fransa vətəndaşıdır.
Hadisə yerinə təcili tibbi yardım briqadaları və aidiyyəti qurumların əməkdaşları cəlb olunub. Yaralılar xəstəxanalara yerləşdirilib.
Qəzanın başvermə səbəblərinin müəyyənləşdirilməsi istiqamətində araşdırma aparılır.
15:41 30.10.2026
Oxunuş sayı: 50
