Rusiya, ABŞ və Ukrayna arasında danışıqların tarixi hələ müəyyənləşməyib
Rusiya, ABŞ və Ukrayna arasında üçtərəfli danışıqların keçirilmə tarixi ilə bağlı hələlik konkret razılıq əldə olunmayıb.
Crossmedia.az xəbər verir ki, Rusiya Prezidentinin köməkçisi Yuri Uşakov bu barədə açıqlamasında bildirib.
Onun sözlərinə görə, tərəflər arasında mümkün üçtərəfli görüşün tarixinə dair razılaşma yoxdur.
Uşakov Ukrayna Prezidenti Volodimir Zelenskinin ərazi məsələsini müzakirə etməyə hazır olması ilə bağlı bəyanatlarına da münasibət bildirib.
O qeyd edib ki, Kremldə Zelenskinin bu istiqamətdə səsləndirdiyi açıqlamalardan xəbərdardırlar.
Uşakovun açıqlamasına görə, üç ölkə arasında danışıqların bərpası nəzərdə tutulsa da, növbəti görüşün vaxtı hələ razılaşdırılmayıb.
15:16 30.10.2026
Oxunuş sayı: 45
