BMT Təhlükəsizlik Şurasının fəaliyyətində geosiyasi böhran dərinləşir
BMT Təhlükəsizlik Şurası dərin geosiyasi parçalanma səbəbilə fəaliyyətində ciddi çətinliklərlə üzləşir və bu vəziyyət cəzasızlıq mühitinin yaranmasına gətirib çıxarır.
Crossmedia.az xəbər verir ki, BMT-nin baş katibi Antonio Quterreş bu barədə danışıb.
Quterreş bildirib ki, böyük dövlətlər arasındakı geosiyasi fikir ayrılıqları Təhlükəsizlik Şurasının fəaliyyətini iflic vəziyyətinə salıb. Onun sözlərinə görə, bu parçalanma beynəlxalq hüququn pozulmasına qarşı təsirli tədbirlərin görülməsini də çətinləşdirir.
BMT baş katibi müasir silahlı münaqişələrin sayının artdığını və onların daha mürəkkəb xarakter aldığını vurğulayıb. O, Təhlükəsizlik Şurasında islahatların aparılmasının vacibliyini də qeyd edib.
20:57 21.09.2026
Oxunuş sayı: 44
