Soyuducudakı pis qoxunu azaltmağın asan yolu açıqlanıb
Duz adətən yeməklərdə istifadə olunsa da, soyuducudakı xoşagəlməz qoxunu azaltmaq üçün də sadə vasitə kimi tətbiq oluna bilər.
Crossmedia.az xəbər verir ki, ˝Gazeta.pl˝-in məlumatına görə, bunun üçün kiçik, açıq qabda duz soyuducunun rəflərindən birinə qoyulur.
Soyuducuda yaranan pis qoxunun əsas səbəbi çox vaxt unudulmuş qidalar, tökülmüş mayelər və ya kəskin qoxulu məhsullar olur. Buna görə əvvəlcə rəflər, qablar və əlçatmaz yerlər yoxlanılmalı, soyuducu təmizlənməlidir.
Təmizlikdən sonra bir qaba iki-üç xörək qaşığı xırda və ya iri duz tökərək, qablaşdırılmamış məhsullardan uzaqda saxlamaq olar. Duz müəyyən şəraitdə havadakı nəmi çəkə bilir, lakin qoxuya səbəb olan bütün maddələri udmur. Buna görə bu üsul tam həll deyil, sadəcə qoxunu azaltmağa kömək edə bilər.
23:28 01.09.2026
Oxunuş sayı: 47
