Xarici xəbərlər

Kiyevdə gərgin gecələr: Avropa İttifaqı səfiri bu addımı atdı

Avropa İttifaqının Ukraynadakı səfiri Katarina Maternovanın sözlərinə görə, Kiyevə mütəmadi zərbələr səbəbindən artıq otel otağındakı yatağında yatmır.

Crossmedia.az xəbər verir ki, “Facebook” sosial şəbəkəsində yayımladığı paylaşımda Katarina Maternova bu barədə məlumat verib.

Diplomat bildirib ki, gecələri otel otağındakı vannada döşəyin üzərində yatır və oranı otağındakı ən təhlükəsiz yer hesab edir.

Maternova yorulduğunu və bəzən qorxu hiss etdiyini, lakin bundan şikayət etmədiyini qeyd edib. O, Ukraynada baş verənlərdən xəbərdar olmasına baxmayaraq, diplomatik xidmət üçün başqa yer seçməyəcəyini vurğulayıb.

Səfir həmçinin Ukraynanın “daimi stress şəraitində yaşadığını” bildirib.

Mövzular:

Avropa İttifaqı Katarina Maternova Ukrayna Diplomat Facebook

🖨 Çap et

16:05 01.09.2026

Oxunuş sayı: 50