Mərakeş polisi yüzlərlə miqrantın Seutaya keçməsinin qarşısını aldı
Mərakeş polisi Seuta şəhəri ilə sərhəddə qanunsuz miqrasiya cəhdlərinin qarşısını almaq üçün əməliyyat keçirib.
Crossmediaa.z xəbər verir ki, “El Pais” qəzetinin məlumatına görə, polis miqrantlara qarşı güc tətbiq edib.
“Hespress” portalı isə 100-dən çox sənədsiz miqrantın saxlanıldığını bildirib.
Məlumata əsasən, sosial şəbəkələrdə Seutaya yeni kütləvi qanunsuz keçid cəhdinə hazırlıq görüldüyü barədə məlumatların yayılmasından sonra Mərakeş və İspaniya sərhəddə təhlükəsizlik tədbirlərini artırıb.
Seuta İspaniyanın Şimali Afrikadakı muxtar şəhərlərindən biridir və uzun illərdir Afrikadan Avropaya keçməyə çalışan miqrantların əsas marşrutlarından biri hesab olunur.
20:55 15.08.2026
Oxunuş sayı: 37
