Münasibətlərdə özünəinamın olmaması hansı davranışlara səbəb olur?
Mütəxəssislər bildirirlər ki, münasibətlərdə özünəinamın aşağı olması insanın davranışlarına mənfi təsir göstərə, tərəfdaşına qarşı həddindən artıq nəzarət və ya aqressiya kimi hallara yol aça bilər.
Crossmedia.az xəbər verir ki, YourTango nəşrinin məlumatına görə, özünə güvənməyən insanlar tez-tez partnyorlarının onları tərk edəcəyindən narahat olur və bu qorxu səbəbindən sağlam olmayan davranışlar sərgiləyə bilirlər.
Məqalədə qeyd olunur ki, bu cür insanlar münasibətlərdə aqressiv davranmağa, xəyanət etməyə və ya tərəfdaşlarını həddindən artıq nəzarətdə saxlamağa meyilli ola bilərlər. Onlar bununla münasibətlərini qorumağa çalışdıqlarını düşünsələr də, əksinə, münasibətlərə zərər verə bilərlər.
Mütəxəssislərin fikrincə, bu problemin əsas səbəbi əksər hallarda insanın daxili psixoloji vəziyyəti ilə bağlıdır. Buna görə də tərəfdaşın dəstəyi vacib olsa da, özünəinamın bərpası üçün insanın özü üzərində işləməsi daha böyük əhəmiyyət daşıyır.
08:10 01.08.2026
Oxunuş sayı: 11
