Xarici xəbərlər

Almaniyanın yeni HHM sistemi “Oreşnik” raketinə qarşı hələ hazır deyil

Almaniyanın yeni raketdən müdafiə sistemi Rusiyanın “Oreşnik” raketlərini zərərsizləşdirməyə hələ tam hazır deyil.

Crossmedia.az bu barədə xarici KİV-ə istinadən xəbər verir. Məlumata görə, bu yaxınlarda Almaniyada yerləşdirilən İsrail istehsalı olan “Arrow-3” raketdən müdafiə sistemi hazırda tam döyüş qabiliyyətinə malik sayılmır.

Qəzet Rusiyanın Lvov bölgəsinə endirdiyi son raket zərbəsini “Oreşnik” raketi ilə Almaniyada yerləşdirilən “Arrow-3” sistemi arasında “ilk dolayı qarşıdurma” kimi qiymətləndirib.

Bununla belə, Bundesverin rəsmi internet səhifəsində “Arrow-3” sisteminin “Oreşnik” kimi ballistik raketləri zərərsizləşdirmək üçün nəzərdə tutulduğu açıq şəkildə qeyd olunub. NATO isə sistemin hələ tam əməliyyat hazırlığı mərhələsinə çatmadığını hesab edir.

Mənbələrin bildirdiyinə görə, “Patriot” HHM sistemi nəzəri cəhətdən bu cür raketlərə qarşı istifadə oluna bilər, lakin o, hipersəs raketlərinin ələ keçirilməsi üçün dizayn edilməyib.

🖨 Çap et

23:14 11.01.2026

Oxunuş sayı: 1291