Xarici xəbərlər

Pezeşkian: Etiraz qəbulolunandır, zorakılıq isə yox

İran prezidenti Məsud Pezeşkian ölkədə baş verən etirazlarla bağlı açıqlama verib.

Crossmedia.az İran mediasına istinadən xəbər verir ki, Pezeşkianın sözlərinə görə, etirazlar pərdəsi altında ölkəyə terrorçu qruplar daxil olub və onlar məscidlərin yandırılması, insanların qətlə yetirilməsi və xaosun yaradılması kimi əməllər törədiblər. Prezident vurğulayıb ki, bu cür hallar qanuni narazılıq ifadəsi ilə heç bir əlaqəyə malik deyil.

Pezeşkian vətəndaşları yerlərdə özünü təşkil etməyə və iğtişaşların qarşısının alınmasına çağırıb, gəncləri isə manipulyasiyalara uymamağa səsləyib. O, eyni zamanda ABŞ və İsraili radikal qrupların qızışdırılmasında və xaricdən idarə olunmasında ittiham edib.

İran prezidenti çıxışının sonunda dialoqa hazır olduqlarını bir daha bəyan edərək bildirib ki, hakimiyyət etiraz səsini eşitməli və mövcud problemləri cəmiyyətlə birgə həll etməlidir.

Türkan Kərimli

🖨 Çap et

16:29 11.01.2026

Oxunuş sayı: 1642