Xarici xəbərlər

Avropa Qrenlandiyaya NATO missiyası adı altında qoşun yeritməyi müzakirə edir

Avropa ölkələri ABŞ-nin prezidenti Donald Trampın bu təşəbbüsə qarşı çıxacağı halda, Qrenlandiyaya NATO missiyası adı altında hərbi qüvvə yerləşdirilməsi variantını nəzərdən keçirir.

Crossmedia.az "The Telegraph"-a istinadən xəbər verir ki, Tramp bu planı bloklayarsa, Avropa tərəfi cavab olaraq ABŞ şirkətlərinə qarşı sanksiyaların tətbiqini də istisna etmir.

Məlumata əsasən, müzakirə olunan ssenari Arktika bölgəsində təhlükəsizlik balansının dəyişməsi və Qrenlandiyanın strateji əhəmiyyətinin artması ilə əlaqələndirilir. Avropa paytaxtlarında hesab edilir ki, NATO çərçivəsində mümkün missiya bölgədə Rusiyanın və Çinin artan fəallığına cavab ola bilər.

Nəşr yazır ki, bu mövzu hələlik rəsmi qərar mərhələsində deyil, lakin Avropa siyasi dairələrində ciddi şəkildə gündəmdə saxlanılır və Vaşinqtonun mövqeyi prosesin taleyində həlledici rol oynaya bilər.

Türkan Kərimli

🖨 Çap et

16:18 11.01.2026

Oxunuş sayı: 2022