1418 Gün: Tarixin təkrarı və bitməyən müharibə
Bu gün Rusiyanın Ukraynaya qarşı başladığı müharibənin 1418-ci günüdür. Rəqəmlər sadəcə statistik göstərici deyil – bu rəqəm tarixi bir simvola çevrilib. Məhz 1418 gün 1941–1945-ci illərdə baş vermiş və “Böyük Vətən Müharibəsi” adlandırılan münaqişənin də davam etdiyi müddət idi. Tarixin ironiyası ondadır ki, eyni gün sayına çatan bu müharibə hələ də sona çatmayıb.
Bu 1418 gün təkcə hərbi əməliyyatların deyil, dağıdılmış şəhərlərin, məhv olmuş infrastrukturların, parçalanmış talelərin və dəyişən qlobal təhlükəsizlik sisteminin göstəricisidir. Müharibə artıq yalnız Rusiya və Ukrayna arasında silahlı toqquşma deyil, beynəlxalq münasibətlər sistemində dərin çatlar yaradan, dünya siyasətinin istiqamətini dəyişən bir prosesə çevrilib.
Tarix bir daha göstərir ki, uzun sürən müharibələr təkcə cəbhədə deyil, dövlətlərin iqtisadiyyatında, cəmiyyətlərin psixologiyasında və beynəlxalq hüququn nüfuzunda ağır izlər buraxır. 1418 gün geridə qalsa da, qarşıda bu münaqişənin nə qədər davam edəcəyi və hansı nəticələr doğuracağı sualı hələ də açıq qalır.
11:58 11.01.2026
Oxunuş sayı: 1659
