Paşinyan: Kilsə siyasətin aləti olmamalıdır
Ermənistanın Baş naziri Nikol Paşinyan bildirib ki, Erməni Apostol Kilsəsi siyasi mübarizənin iştirakçısına çevrilməməli və siyasi vasitə kimi istifadə edilməməlidir.
Crossmedia.az xarici mediaya istinadən məlumat verir.
Onun sözlərinə görə, erməni cəmiyyətində konsensus səviyyəsində anlaşma yaranıb ki, kilsədə aktiv siyasət aparmaq yolverilməzdir.
Bununla yanaşı, Paşinyan vurğulayıb ki, kilsə ruhani birliyin mərkəzi olmalı, hakimiyyət və müxalifət arasında sərhədləri aradan qaldırmalı, siyasi rəqiblərin birgə ibadət etməsinə, liturgiyada və kilsə mərasimlərində iştirak etməsinə imkan yaratmalıdır. Baş nazir qeyd edib ki, kilsənin əsas missiyası İsa Məsihin təlimlərini və xristian dəyərlərini insan həyatında yaymaqdır və məhz bununla kilsənin ictimai-siyasi həyatda rolu müəyyən olunur.
14:25 10.01.2026
Oxunuş sayı: 1779
