Şimali Koreya Cənubi Koreyaya məxsus dronu ələ keçirdi
Şimali Koreya Cənubi Koreyaya məxsus müşahidə dronunun ölkə ərazisi üzərində ələ keçirildiyini açıqlayıb.
Crossmedia.az xarici KİV-ə istinadən xəbər verir ki, bu barədə Koreya Xalq Ordusunun Baş Qərargahı məlumat yayıb.
Belə ki, Şimali Koreyanın hava hücumundan müdafiə qüvvələri Cənubdan sərhədi keçən hava hədəfini vaxtında aşkarlayaraq izləməyə başlayıb. Daha sonra radioelektron mübarizə vasitələrinin tətbiqi ilə dron zərərsizləşdirilərək ölkə ərazisinə endirilib.
Aparılan araşdırma nəticəsində dronun üç saatlıq uçuş üçün proqramlaşdırıldığı və Şimali Koreyanın mühüm obyektlərini çəkilişə almaq məqsədi daşıdığı müəyyən edilib. Şimali Koreya tərəfi hadisəni hava məkanının pozulması kimi dəyərləndirib.
Fatimə Məmmədova
10:20 10.01.2026
Oxunuş sayı: 1569
