Gündəm

Ulu Öndər Heydər Əliyevin xatirəsi Litvada anılıb

Azərbaycan xalqının Ümummilli Lideri, görkəmli dövlət xadimi Heydər Əliyevin vəfatının 22-ci ildönümü münasibətilə Azərbaycanın Litvadakı Səfirliyində anım mərasimi təşkil olunub.

Crossmedia.az xəbər verir ki,səfirlikdən verilən məlumata görə, Azərbaycanın Litvadakı səfiri Tamerlan Qarayev Ümummilli Lider Heydər Əliyevin həyatı, fəaliyyətinin əsas mərhələləri və dövlətçilik tariximizdə oynadığı müstəsna rol barədə danışıb. Qeyd edib ki, Ulu Öndərin siyasi irsi müasir Azərbaycan dövlətinin ideya, siyasi və institusional təməlini formalaşdırıb, çətin və məsuliyyətli dövrlərdə göstərdiyi qətiyyəti və uzaqgörənliyi ölkəmizi dağılma təhlükəsindən xilas edərək, sabitlik və inkişaf yoluna çıxarıb.

Ümummilli Lider Heydər Əliyevin əsas məqsədinin güclü, sabit və müasir Azərbaycan yaratmaq olduğunu deyən səfir vurğulayıb ki, Ulu Öndərin rəhbərliyi ilə həyata keçirilən islahatlar, milli maraqlara əsaslanan siyasət və dövlət quruculuğu strategiyası ölkəmizin siyasi, iqtisadi və sosial həyatında dərin iz qoyub, bugünkü nailiyyətlərin əsasını təşkil edir.

T.Qarayev Ümummilli Lider Heydər Əliyevin müstəqil Azərbaycanın ilk Konstitusiyasının hazırlanmasında aparıcı rolunu vurğulayıb, 2025-ci ilin ölkəmizdə “Azərbaycan Konstitusiyası və Suverenlik İli” kimi qeyd edilməsinin Ulu Öndər irsinin dövlət strategiyasının mühüm hissəsi olduğunu nümayiş etdirdiyini bildirib. O, həmçinin Ulu Öndərin dövlətçilik ideyalarının və xalqına xidmət fəlsəfəsinin bu gün Azərbaycan üçün yol xəritəsi olduğunu, milli həmrəyliyin möhkəmlənməsinə xidmət etdiyini vurğulayıb.

Sonra Ümummilli Liderin xatirəsinə həsr olunmuş fotosərgi keçirilib.