ABŞ “Lukoil” sanksiyalarını qismən yumşaltdı
ABŞ Rusiyanın “Lukoil” şirkətinə qarşı tətbiq olunan müəyyən məhdudiyyətləri yumşaldıb və onun xaricdə fəaliyyət göstərən yanacaqdoldurma məntəqələrinin fəaliyyətinə icazə verib.
Crossmedia.az "Reuters"-ə istinadən xəbər verir ki, ABŞ Maliyyə Nazirliyi “Lukoil”in Rusiyadan kənarda yerləşən yanacaqdoldurma məntəqələrinin 29 aprel 2026-cı ilədək işləməsinə hüquqi imkan yaradıb. Qurumun məlumatına görə, həmin tarixədək bu məntəqələrlə bağlı əməliyyatların aparılması mümkündür.
Bildirilir ki, qərar Avropa, Orta Asiya, Yaxın Şərq və ABŞ da daxil olmaqla müxtəlif regionlarda fəaliyyət göstərən təxminən 2000 yanacaqdoldurma məntəqəsini əhatə edir.
18:14 05.12.2025
Oxunuş sayı: 1461