Xarici xəbərlər

İran XİN: Razılaşmaya yaxın idik, amma ABŞ istəmədi

İranın xarici işlər naziri Abbas Əraqçı Maskatda “Musa Əl-Fərai ilə” proqramına müsahibəsində İran və ABŞ arasında aparılan danışıqların uğursuzluğunu şərh edib.

Crossmedia.az bu barədə xarici KİV-ə istinadən xəbər verir.

Əraqçı bildirib ki, tərəflər beş raund davam edən danışıqlarda problemləri həll edə biləcək konkret yolların üzərində razılaşmağa çox yaxın olublar, lakin Vaşinqtonda bu həll yolları qəbul edilməyib və nəticədə müharibə istəyən qüvvələr üstünlük qazanıb.

Nazir həmçinin vurğulayıb ki, “sıfır zənginləşdirmə” siyasəti mümkün deyil və bu, ABŞ-nin İran nüvə proqramı ilə bağlı əsas tələblərindən biridir.

Əraqçı, həmçinin keçmişdə Oman Sultanlığının vasitəçilik fəaliyyətinin müsbət rolunu xatırladaraq, Omanın ölkələr arasında vasitəçilik sahəsində mühüm söz sahibi olduğunu qeyd edib.