Rusiya Çindən gələn turistlər üçün vizanı ləğv edib
Rusiya prezidenti Vladimir Putin Çindən gələn vətəndaşların Rusiyaya vizasız səfər etməsinə icazə verib. Çin vətəndaşları 2026-cı il sentyabrın 14-dək 30 gün müddətində Rusiyaya vizasız gedə biləcəklər.
Crossmedia.az bu barədə xarici KİV-ə istinadən xəbər verir.
Məlumata görə, Prezidentin sərəncamına əsasən, Çin vətəndaşları Rusiyaya qonaq və ya işgüzar səfərlər, turist səfərləri, elmi, mədəni, ictimai-siyasi, iqtisadi və idman tədbirlərində iştirak məqsədilə vizasız gedə biləcəklər.
Bundan əlavə, onlar adi Çin vətəndaşı pasportundan istifadə edərək Rusiya ərazisindən tranzit keçə və digər istiqamətlərə hərəkət edə biləcəklər.
Qeyd edək ki, Çin hakimiyyəti bundan əvvəl də rus vətəndaşlarına eyni müddət ərzində vizasız giriş imkanı vermişdi.
Nəzrin Abbas
12:57 01.12.2025
Oxunuş sayı: 1292
