Laçının zəfər günəşli səhəri – Cənab Prezidentin müzəffər liderliyi ilə yenidən doğulan şəhər
Bu gün xalqımızın yaddaşına qürur, zəfər və milli birlik günü kimi yazılmış Laçın Şəhərinin işğaldan azad olunduğu günü qeyd edirik. Üçrəngli bayrağımızın Laçın səmasında qürurla dalğalanması, Vətənimizin hər bir övladına sonsuz sevinc və güvən hissi bəxş edir.
Azərbaycan Respublikasının Prezidenti, Müzəffər Ali Baş Komandan cənab İlham Əliyevin qətiyyətli iradəsi, sarsılmaz siyasi iradəsi və müdrik rəhbərliyi sayəsində Laçın yenidən doğma yurduna qovuşdu. Uzun illər boyu əsarətdə qalmış torpaqlarımızın azad edilməsi, Laçının yenidən dirçəlişi və inkişafı məhz bu uzaqgörən siyasətin nəticəsidir.
Bu gün Laçında aparılan geniş quruculuq işləri, müasir infrastruktur layihələri, vətəndaşlarımızın öz doğma yurdlarına qayıdışı dövlətimizin gücünün, Prezidentimizin xalqına olan sarsılmaz bağlılığının bariz nümunəsidir. Laçın artıq təkcə xəritədə bir şəhər deyil, xalqımızın yenidən dirçəlişinin, əzminin və qələbə ruhunun simvoludur.
Laçının işıqlı sabahı, hər daşında xalqımızın tarixini və qürurunu yaşadan bu müqəddəs şəhərin gələcəyi, cənab Prezidentimizin rəhbərliyi ilə daha da çiçəklənəcək.
Bu əlamətdar gün münasibətilə Laçına qayıdışı mümkün edən bütün şəhidlərimizin ruhunu ehtiramla yad edir, qazilərimizə minnətdarlığımızı bildiririk.
Allah ölkəmizə daim birlik, əmin-amanlıq və uğurlar nəsib etsin!
Yaşasın Azərbaycan! Yaşasın Laçın! Yaşasın Ali Baş Komandan!
Elmir Heydərli
12:07 01.12.2025
Oxunuş sayı: 5153
