Suriya əməliyyatında İsrail əsgərləri yaralandı
Ötən gecə Suriyanın cənubunda keçirilən həbs əməliyyatı zamanı atışma baş verib və altı İsrail əsgəri yaralanıb, onlardan üçünün vəziyyəti ağırdır.
Crossmedia.az bu barədə xarici KİV-ə istinadən xəbər verir.
Məlumata görə, əməliyyat 55-ci Ehtiyat Paraşütçü Briqadasının əsgərləri tərəfindən Əl-Cama'a əl-İslamiyyə təşkilatının üzvlərini həbs etmək məqsədilə həyata keçirilib. Həmin şəxslər Suriyanın Beyt Cinn kəndində fəaliyyət göstərərək İsrailə hücum planlaşdırıblar.
Atışma zamanı İsrail Hərbi Hava Qüvvələri quru qüvvələrini dəstəkləyərək əraziyə zərbələr endirib. Hücum nəticəsində iki zabit və bir ehtiyat əsgər ağır, bir ehtiyat əsgər orta, iki ehtiyat əsgər isə yüngül yaralanıb. Yaralılar xəstəxanalara aparılıb.
Ordu bildirir ki, əməliyyat uğurla başa çatıb, bütün şübhəlilər saxlanılıb və bir neçə yaraqlı zərərsizləşdirilib.
Nəzrin Abbas
11:24 30.11.2025
Oxunuş sayı: 1674
