Xarici xəbərlər

Qazaxıstan Ukraynanı aqressiyada ittiham etdi

Qazaxıstan, Novorossiysk limanında Xəzər Boru Kəməri Konsorsiumunun (KTK) infrastrukturuna növbəti hücumdan sonra rəsmi etirazını bildirib. Xarici İşlər Nazirliyinin məlumatına görə, bu, beynəlxalq hüquqla qorunan mülki obyektə qarşı üçüncü hücumdur.

Crossmedia.az bu barədə xarici mediaya istinadən xəbər verir.

Astanada qeyd olunub ki, KTK qlobal enerji sabitliyinin mühüm elementidir və bu kimi zərbələr Qazaxıstan–Ukrayna münasibətlərinə zərər vurur. Qazaxıstan Kiyevdən belə insidentlərin təkrarlanmaması üçün tədbirlər görməyi tələb edir.

“Baş verənləri Qazaxıstan Respublikası ilə Ukrayna arasındakı ikitərəfli münasibətlərə zərər vuran hərəkət kimi qiymətləndiririk və gələcəkdə bənzər insidentlərin qarşısının alınması üçün Ukrayna tərəfindən təsirli tədbirlər gözləyirik”– bəyanatda vurğulanır.

Günel Verdiyeva

🖨 Çap et

11:15 30.11.2025

Oxunuş sayı: 1352