Afyonkarahisarda sərnişin avtobusu aşdı: 2 ölü, 21 yaralı
Afyonkarahisarın Dinar rayonunda sərnişin avtobusu yol kənarına aşaraq 2 nəfərin ölümünə, 21 nəfərin yaralanmasına səbəb olub.
Crossmedia.az bu barədə türk mediasına istinadən xəbər verir.
Məlumata görə, sürücüsü və nömrə nişanı hələ məlum olmayan, Elazığ Murat Turizm şirkətinə aid avtobusu Afyonkarahisarda Tatarlı qəsəbəsi yaxınlığında yoldan çıxaraq aşmışdır.
Hadisə nəticəsində avtobusdakı 2 nəfər ölüb, 21 nəfər isə yaralanıb.
Hadisə yerinə təcili tibbi yardım, polis əməkdaşları və yanğınsöndürmə briqadaları cəlb olunub.
Yaralılar təcili yardım vasitəsilə Afyonkarahisar xəstəxanalarına çatdırılıb.
Nəzrin Abbas
10:45 30.11.2025
Oxunuş sayı: 1288
