Özgür Özel yenidən CHP-nin sədri seçilib
Türkiyənin Cümhuriyyət Xalq Partiyasının (CHP) sədri Özgür Özel bir daha partiyanın başqanı seçilib.
Crossmedia.az TRT Xəbər-ə istinadən xəbər verir ki, Ankara Spor Salonunda keçirilən CHP-nin 39-cu Olağan Qurultayında səsvermə prosesi başa çatıb. Rəsmi açıqlamaya görə, qurultayda yeganə namizəd olan Özgür Özel keçərli 1333 səslə yenidən partiya sədrliyinə layiq görülüb.
Bununla da Özel ardıcıl olaraq dördüncü dəfə CHP-nin başqanı seçilmiş olub.
Siyasi müşahidəçilər hesab edirlər ki, Özelin yenidən seçilməsi partiya daxilində sabitlik və gələcək seçkilərə hazırlıq baxımından mühüm əhəmiyyət daşıyır.
00:24 30.11.2025
Oxunuş sayı: 1092
