Erməni general-mayor Xaçaturov barəsində axtarış elan edilib
Ermənistan hüquq-mühafizə orqanları general-mayor Qriqori Xaçaturov barəsində axtarış elan edib.
Crossmedia.az yerli KİV-ə istinadən xəbər verir. Məlumata görə, o, Ermənistan Cinayət Məcəlləsinin 436-cı maddəsinin 1-ci hissəsi (bir qrup şəxs tərəfindən əvvəlcədən razılaşma ilə rüşvət vermə) və 549-cu maddəsinin 3-cü hissəsi (səlahiyyətsiz hərəkət və ya vəzifədən sui-istifadə nəticəsində ehtiyatsızlıqdan insanın sağlamlığına ağır zərər vurma) üzrə məsuliyyətə cəlb olunur.
Qeyd olunur ki, Qriqori Xaçaturov KTMT-nin sabiq baş katibi, erməni general-polkovnik Yuri Xaçaturovun oğludur. Mətbuatda yer alan məlumatlara əsasən, onun barəsində başlanmış cinayət işi çərçivəsində istintaq tədbirləri davam edir.
Hadisə Ermənistan ictimaiyyətində ciddi rezonans doğurub və mütəxəssislər hesab edirlər ki, yüksək rütbəli şəxslərin cəlb edildiyi bu iş ölkədə korrupsiya və səlahiyyətlərdən sui-istifadə ilə bağlı mübarizənin daha da sərtləşməsi fonunda baş verir.
00:19 30.11.2025
Oxunuş sayı: 1236
