Ukrayna nümayəndə heyəti ABŞ xüsusi elçiləri ilə görüşmək üçün Mayamiyə gedir
Ukraynanın Milli Təhlükəsizlik və Müdafiə Şurasının katibi Rüstəm Umerovun rəhbərlik etdiyi nümayəndə heyəti ABŞ-nin xüsusi elçiləri Stiv Vitkov və Cared Kuşnerlə görüşmək üçün Mayamiyə yola düşüb.
Crossmedia.az Axios-ə istinadən xəbər verir. Məlumata görə, görüş sabah baş tutacaq və danışıqlarda Ukraynanın bir sıra yüksəkvəzifəli rəsmiləri iştirak edəcək.
Nümayəndə heyətinə xarici işlər nazirinin müavini Sergey Kıslıtsya, Ukrayna Silahlı Qüvvələrinin Baş Qərargah rəisi Andrey Hnatov, eləcə də Ukrayna kəşfiyyat strukturlarının nümayəndələri daxildir. Görüşdə hərbi kəşfiyyat rəhbəri Kirilo Budanovun da iştirakı gözlənilir.
Görüşün əsas mövzusunun ABŞ-Ukrayna təhlükəsizlik əməkdaşlığı, regional vəziyyət və müharibənin kritik mərhələsində koordinasiya məsələləri olacağı bildirilir.
21:40 29.11.2025
Oxunuş sayı: 851
