Əhməd Əl-Şara Azərbaycanda İsrail rəsmiləri ilə görüşüb
Bakıya səfər çərçivəsində Suriyanın keçid dövrü üzrə prezidenti Əhməd əş-Şəraa İsrailin rəsmi nümayəndələri ilə görüşüb.
Crossmedia.az bildirir ki, iki-üç belə görüş planlaşdırılıb və bu görüşlərdə Suriya xarici işlər naziri Əsəd əş-Şeybani və İsrail ilə təhlükəsizlik məsələləri üzrə hökumət nümayəndəsi Əhməd əd-Dəlati də iştirak edib və ya edəcək:
“Görüşlərin əsas müzakirə mövzuları arasında İsrail-Suriya arasında təhlükəsizlik razılaşması, İranın bölgədəki fəaliyyəti, “Hizbullah” və Fələstin qruplaşmalarının silahlanması, eləcə də Livandakı fələstinli düşərgələri yer alır. Həmçinin, diplomatik statusu olmayan İsrailin Dəməşqdə əlaqələndirmə ofisinin açılması ehtimalı da gündəmdədir. İsrail tərəfdən isə görüşlərdə baş nazir Benyamin Netanyahunun xüsusi nümayəndəsi, təhlükəsizlik xidməti və ordu təmsilçiləri iştirak edir”.
Qeyd edək ki, daha əvvəl AFP agentliyi Dəməşqdəki diplomatik mənbəyə istinadən, prezident əş-Şəraa-nın görüşlərdə iştirak etməyəcəyini bildirmişdi. Mənbənin sözlərinə görə, danışıqlar əsasən İsrailin Suriyadakı hərbi mövcudluğu ətrafında cəmləşəcək.(haqqin.az)
12:58 13.07.2025
Oxunuş sayı: 9154
