İran XİN: "İran ABŞ ilə dialoqu bərpa etməyə hazırdır"
Tehran həmişə nüvə proqramı ilə bağlı danışıqlara hazır olub və hazır olacaq, təbii ki, bu dialoq bərpa olunarkən ABŞ və digər ölkələrin hərəkətləri müharibəyə səbəb olmamalıdır.
Crossmedia.az-ın məlumatına görə, bunu İranın xarici işlər naziri Abbas Əraqçı müxtəlif ölkələrin diplomatik nümayəndələri ilə görüşündə bildirib.
"ABŞ diplomatik yanaşmanı dəyişib. Biz həmişə nüvə proqramımızla bağlı dialoqa hazır olmuşuq və gələcəkdə də hazır olacağıq, lakin danışıqlar yenidən başlasa, əmin olmaq lazımdır ki, ABŞ və digər ölkələrin hərəkətləri müharibəyə səbəb olmayacaq", - o deyib.
Xatırladaq ki, İsrail iyunun 13-də (gecə saatlarında) İrana qarşı əməliyyatlara başlayıb. İsrail rəsmi Tehranı gizli hərbi-nüvə proqramını həyata keçirməkdə ittiham edib. Bombardmanların və diversiya qruplarının reydlərinin hədəfi nüvə obyektləri, generallar, tanınmış nüvə alimləri, aviabazalar olub.
İran ittihamları rədd edərək, buna öz hücumları ilə cavab verib və hava hücumu ilə cavab verib.
İyunun 22-də ABŞ da İranın nüvə obyektlərinə hücum həyata keçirib.
Ardınca Tehran iyunun 23-də ABŞ-ın Qətərdəki Əl-Udeyd bazasına raket zərbələri endirib.
ABŞ prezidenti Donald Tramp daha sonra İsrail və İranın atəşkəs bağladığını elan edib.
22:20 12.07.2025
Oxunuş sayı: 8706
