Pxenyan Rusiyanın “xüsusi hərbi əməliyyat”ına tam dəstəyini bir daha təsdiqlədi
Rusiya Xarici İşlər naziri Sergey Lavrovun verdiyi məlumata görə, Şimali Koreya Ukrayna ilə bağlı vəziyyətə dair Rusiyanın mövqeyini tam şəkildə dəstəkləyir. Crossmedia.az bildirir ki,bu barədə o, Pxenyanın Vonsan şəhərində Şimali Koreyanın xarici işlər naziri Çoe Son Hui ilə keçirdiyi görüşdən sonra təşkil olunan mətbuat konfransında bildirib.
“Ukrayna böhranı ətrafında yaranmış vəziyyətlə bağlı fikir mübadiləsi apardıq,” – deyə Lavrov qeyd edib. “Koreyalı dostlarımız xüsusi hərbi əməliyyatın bütün məqsədlərini, eləcə də Rusiya rəhbərliyinin və silahlı qüvvələrinin fəaliyyətlərini qətiyyətlə dəstəklədiklərini bir daha təsdiqlədilər”.
Lavrov həmçinin əlavə edib ki, Rusiya Şimali Koreya Xalq Ordusu hərbçilərinin Kursk vilayətinin “Ukrayna nasistləri və xarici muzdlulardan azad olunması”na verdiyi töhfəyə görə minnətdarlığını ifadə edib.
Fidan Xəlilova
20:15 12.07.2025
Oxunuş sayı: 1074
