Pakistanın baş naziri İranın Qətərə raket zərbələri ilə bağlı narahatlığını ifadə edib
Pakistanın Baş naziri Məhəmməd Şehbaz Şərif Qətər Dövlətinin Pakistandakı səfiri Əli Mübarək Əli Essa Əl-Xatər ilə telefon danışığı aparıb. Bu barədə Pakistanın Baş nazirinin mətbuat xidməti bildirib.
Məlumata əsasən, telefon danışığı zamanı o, İranın Qətərdəki ABŞ hərbi bazasına raket hücumları ilə bağlı xəbərlərdən ciddi narahatlığını bildirib.
Baş nazir Pakistanın Qətər hökuməti və xalqı ilə "çətin və həssas bir zamanda" həmrəy olduğunu bildirib. O, bütün tərəflərin təmkinli davranmasının və regionda gərginliyin azaldılması üçün təcili addımlar atmasının təcili zərurət olduğunu vurğulayıb.
"Körfəzdə sülh və sabitlik həyati əhəmiyyət kəsb edir və gərginliyin daha da artmasının qarşısını almaq üçün hər cür səy göstərilməlidir", - deyə Baş nazir Şahbaz Şərif bildirib.
Səfir baş nazirə hadisədən sonra operativ reaksiya verdiyinə və bu kritik dövrdə Qətər rəhbərliyinə və xalqına dəstəyini ifadə etdiyinə görə minnətdarlığını bildirib.
07:55 24.06.2025
Oxunuş sayı: 9585
