İran nüvə bombası yaratmağa nə qədər yaxındır?
Beynəlxalq Atom Enerjisi Agentliyinin nəzdində fəaliyyət göstərən Elm və Beynəlxalq Təhlükəsizlik İnstitutunun yeni hesabatında Tehran uran zənginləşdirmə səyləri nəticəsində silah istehsalına kifayət edəcək material miqdarına yaxınlaşdığı vurğulanır.
Crossmedia.az hesabata əsasən xəbər verir ki, İran artıq 60%-ə qədər zənginləşdirilmiş təxminən 233 kiloqram uran ehtiyatı toplayıb. Bu miqdar 90%-lik zənginləşdirmə səviyyəsinə çatdırıldıqda, təxminən üç həftə ərzində silah sintezi üçün yetərli material əldə olunacaq ki, bu da 25 kiloqramlıq 9 nüvə başlığı istehsalına imkan verir.
Eyni zamanda, institut bildirir ki, İranın ümumi zənginləşdirilmiş uran ehtiyatı 408 kiloqrama qədər artırıla bilər.
Bu isə təqribən 10 taktiki nüvə başlığı hazırlamaq potensialını göstərir. Mütəxəssislərin hesablamalarına əsasən, zənginləşdirmə Fordo və Natanz Yanacaq Zənginləşdirmə Zavodlarında paralel aparılsa, İran beş ay ərzində 22 nüvə yükü istehsal edə və 10–15 nüvə başlığı əldə edə bilər.
22:11 19.06.2025
Oxunuş sayı: 10233
