Hakan Fidan: Rusiya və Ukrayna arasında irəliləyiş əldə olunub
Türkiyənin xarici işlər naziri Hakan Fidan bildirib ki, Rusiya və Ukrayna arasında keçirilən ilk danışıqlar raundunda mühüm irəliləyişlər əldə olunub. Bu barədə o, İstanbulda keçirilən ikinci raundun iştirakçılarına müraciətində qeyd edib.
Crossmedia.az xəbər verir ki, Bu barədə TASS məlumat verib.
Nazir qeyd edib ki, ikinci raund çərçivəsində tərəflər arasında dövlət başçılarının görüşü məsələsi də müzakirə ediləcək. Fidan danışıqlardan əvvəl çıxış edərək, əsir mübadiləsi ilə bağlı yeni razılaşmalar əldə olunacağına ümid etdiyini bildirib.
Türkiyə XİN rəhbəri həmçinin vurğulayıb ki, Rusiya və Ukrayna nümayəndələrinin mütəmadi görüşləri tərəflər arasında etimadın möhkəmləndirilməsi baxımından böyük əhəmiyyət daşıyır.
Nigar Rəhimova
13:16 03.06.2025
Oxunuş sayı: 9630
