BAEA "İran bəyan edilməmiş nüvə materialları ilə bağlı gizli fəaliyyət göstərib”.
“Reuters”in məlumatına görə, Beynəlxalq Atom Enerjisi Agentliyi (BAEA) İranın əvvəllər araşdırılan üç obyektdə bəyan edilməmiş nüvə materiallarından istifadə edərək gizli fəaliyyətlər həyata keçirdiyini açıqlayıb.
Crossmedia.az xarici KİV-ə istinadən xəbər verir ki, söhbət Lavisan-Şian, Varamin və Mərivan adlı üç obyekt haqqında gedir. Bu məkanlarda İran tərəfindən bəyan edilməmiş nüvə materiallarından istifadə edildiyi aşkarlanıb.
BAEA-nın baş direktoru Rafael Qrossi İranı agentliklə dərhal, tam və effektiv əməkdaşlıq etməyə çağırıb.
Məlumata görə, İranın ümumi zənginləşdirilmiş uran ehtiyatı 9247,6 kiloqrama çatıb, və 60%-ə qədər zənginləşdirilmiş uran miqdarı hazırda 400 kiloqramı ötüb.
19:49 01.06.2025
Oxunuş sayı: 8369
