Britaniyalı deputatlar hökumətə çağırış etdi: SEPAH terror təşkilatı kimi tanınsın
Böyük Britaniya parlamentinin üzvləri İran İslam İnqilabı Keşikçiləri Korpusunun (SEPAH) terror təşkilatları siyahısına salınmasını tələb edir.
Crossmedia.az xarici mətbuata istinadən xəbər verir ki, aralarında keçmiş hökumət rəsmiləri də olmaqla, 550-dən çox deputat və Lordlar Palatasının üzvü bu barədə Böyük Britaniyanın Baş naziri Keir Starmerə müraciət məktubu imzalayıb.
Məktubda bildirilir:
“Dağılmaqda olan İran rejimi ilə uzlaşmaq demokratik dəyərlərə xəyanətdir. Bu, onun repressiv siyasətini gücləndirir və qlobal təhlükəsizliyi sarsıdır. Çünki Tehran öz nüvə ambisiyalarını və terror aktlarını davam etdirir.”
Qeyd edək ki, SEPAH artıq ABŞ və bəzi digər Qərb ölkələri tərəfindən terror təşkilatı kimi tanınıb. Britaniyada isə bu addımın atılıb-atılmayacağı yaxın günlərdə müəyyənləşəcək.
12:14 18.05.2025
Oxunuş sayı: 9426
