Xarici xəbərlər
Hələbdəki əməliyyatda bir təhlükəsizlik əməkdaşı həyatını itirib
Suriyanın təhlükəsizlik qüvvələri ölkənin şimalında yerləşən Hələbin şərq bölgələrində terror təşkilatı DAEŞ-ə qarşı əməliyyata başlayıb.
Crossmedia.az xəbər verir ki, bu barədə xarici media mənbələri məlumat verib.
Belə ki, əməliyyat DAEŞ silahlılarının patrula pusqu quraraq azı bir təhlükəsizlik əməkdaşını qətlə yetirməsindən sonra həyata keçirilib.
Qeyd edək ki, hazırda bir neçə ərazi mühasirəyə alınıb, əməliyyatlar davam edir.
Axtarışlar zamanı partlayıcı maddələr və Ümumi Təhlükəsizlik Xidmətinə aid forma dəstləri aşkarlanıb.
Fatimə Məmmədova
21:50 17.05.2025
Oxunuş sayı: 9810
