Pakistan Hərbi Hava Qüvvələri altı Hindistan qırıcı təyyarəsini vurdu
Pakistanın Baş naziri Şahbaz Şərif ötən həftə Hindistanla yaşanan gərginlik fonunda Pakistan Hərbi Hava Qüvvələrinin altı Hindistan hərbi təyyarəsini vurduğunu açıqlayıb.
Crossmedia.az xəbər verir ki, bu barədə "Samaatv" məlumat yayıb.
Baş nazirin sözlərinə görə, vurulanlar arasında üç ədəd Rafale, bir Su-30, bir MiQ-29 və bir Mirage 2000 döyüş təyyarəsi var.
“Bu, Pakistan Hərbi Hava Qüvvələrinin döyüş hazırlığının və silahlı qüvvələrimizin sarsılmaz iradəsinin daha bir sübutudur", – deyə Şərif bildirib.
Məlumata əsasən, Pakistan qüvvələri bununla yanaşı, 85 Hindistan PUA-sını da məhv edib. Onların arasında İsrail istehsalı olan bir ədəd Heron, eləcə də 84 kəşfiyyat və kvadrokopter tipli pilotsuz uçuş aparatı yer alır.
Baş nazirin bu bəyanatı Hindistanla Pakistan arasında sərhəddə gərginliyin artdığı, qarşılıqlı olaraq hava məkanının pozulması və hərbi təxribatlarla bağlı ittihamların səsləndirildiyi günlərdən sonra verilib.
Zümrüd Əsədova
15:00 16.05.2025
Oxunuş sayı: 494
