Medinski: İstanbul danışıqları 2022-ci ildə yarımçıq qalan sülh prosesinin davamıdır
Rusiya nümayəndə heyətinin rəhbəri Vladimir Medinski bildirib ki, Moskva İstanbulda keçirilən danışıqları 2022-ci ildə yarımçıq qalan sülh prosesinin davamı kimi qiymətləndirir. Onun sözlərinə görə, bu danışıqların əsas məqsədi birbaşa dialoq vasitəsilə münaqişənin əsas səbəblərini aradan qaldırmaq və uzunmüddətli sülhə nail olmaqdır.
Crossmedia.az xəbər verir ki, bu barədə “CNN” məlumat yayıb.
Medinski həmçinin qeyd edib ki, Rusiya nümayəndə heyəti bütün zəruri səlahiyyətlərə malikdir və konstruktiv yanaşma ilə çıxış edərək real həll yolları axtarır.
Qeyd edək ki, İstanbulda keçirilən danışıqlarda Rusiya nümayəndə heyətinə Prezident Vladimir Putinin köməkçisi Vladimir Medinski rəhbərlik edir.
Nigar Rəhimova
20:19 15.05.2025
Oxunuş sayı: 10197
