Putinlə görüşməyincə, Ukrayna üzrə sülh prosesi irəliləməyəcək
ABŞ-nin prezidenti Donald Tramp bildirib ki, Ukrayna üzrə sülh prosesi yalnız onun Rusiya prezidenti Vladimir Putinlə birbaşa görüşündən sonra irəliləyə bilər.
Crossmedia.az xəbər verir ki, bu barədə Reuters agentliyi məlumat yayıb.
“Biz Putinlə görüşməyincə, heç nə baş verməyəcək”, – deyə Tramp “Air Force One” təyyarəsində jurnalistlərlə söhbətində vurğulayıb. O, bu fikri BƏƏ-nin paytaxtı Əbu-Dabiyə enişdən əvvəl səsləndirib.
Qeyd edək ki, Tramp Rusiya nümayəndə heyətinin Ukrayna ilə danışıqlar üçün Türkiyəyə gəlməsinə baxmayaraq, heyətdə Putin olmadığı üçün məyus olmadığını da qeyd edib. Eyni zamanda, o, Rusiya tərəfinin heyəti barədə dəqiq məlumata
malik olmadığını əlavə edib.
Xumar Emilqızı
17:15 15.05.2025
Oxunuş sayı: 7537
