Xarici xəbərlər

Ərdoğan: “Qəzzadakı humanitar faciəyə son qoymaq səylərimizdə Trampın dəstəyinə ümid edirəm”

Türkiyə prezidenti Rəcəb Tayyib Ərdoğan bu gün Səudiyyə Ərəbistanında keçirilən dördtərəfli görüş barədə açıqlama verib.

Crossmedia.az türk mətbuatına istinadən xəbər verir ki, Ərdoğanın sözlərinə görə, görüşdə ABŞ prezidenti Donald Tramp, Səudiyyə Ərəbistanının vəliəhd şahzadəsi Məhəmməd bin Salman və Suriya prezidenti Əhməd Şara iştirak ediblər.

“İnşallah, tezliklə bu görüşün nəticələrini görəcəyik. Ötən həftəki telefon danışığımızdan sonra Trampın dünən Səudiyyə Ərəbistanında Suriyaya qarşı sanksiyaların ləğv ediləcəyini elan etməsinə görə təşəkkürümü bildirirəm”, – deyə Ərdoğan qeyd edib.

Türkiyə lideri, həmçinin, Qəzzada davam edən humanitar böhranla bağlı da fikirlərini bölüşüb:

“Qəzzada hökm sürən humanitar faciəyə son qoymaq səylərimizdə dostum Trampın dəstəyinə ümid edirəm”, – deyə Ərdoğan əlavə edib.

🖨 Çap et

21:44 14.05.2025

Oxunuş sayı: 622