İran, Rusiya və Çin arasında Moskvada nüvə və sanksiyalarla bağlı üçtərəfli görüş keçirilib
İranın xarici işlər nazirinin müavini Kazem Qəribabadi İran, Rusiya və Çin arasında keçirilən üçtərəfli görüşün təfərrüatlarını açıqlayıb.
Qəribabadi bu barədə “X” sosial şəbəkəsində paylaşım edərək bildirib ki, xarici işlər nazirlərinin müavinlərinin Pekindəki görüşündə əldə olunmuş razılaşmaların davamı olaraq Moskvada ekspert və texniki səviyyədə məhsuldar və konstruktiv görüş baş tutub.
Onun sözlərinə görə, görüşdə üç ölkənin ekspert nümayəndə heyətləri nüvə problemi, sanksiyaların ləğvi və BMT Təhlükəsizlik Şurasının 2231 saylı Qətnaməsi çərçivəsində irəliləyiş yolları ilə bağlı fikir və təkliflərini bölüşüblər. Tərəflər son hadisələrlə bağlı da fikir mübadiləsi apararaq üçtərəfli koordinasiyanı davam etdirmək öhdəliyini təsdiqləyiblər.
23:35 08.04.2025
Oxunuş sayı: 2080
