Avropada Rusiya ilə yeni cəbhə: Dərin dəniz təxribatları narahatlıq doğurur
Avropada dərin dəniz infrastrukturlarına qarşı artan təxribat halları yeni təhlükə dalğasını gündəmə gətirib. POLITICO nəşrinin yaydığı məlumata görə, 2022-ci ildən bu yana Baltik dənizində azı 6 şübhəli təxribat hadisəsi, 2023-cü ildən etibarən isə 11 sualtı kabelin sıradan çıxması qeydə alınıb.
Hazırda Avropada ciddi enerji və kommunikasiya itkisi olmasa da, vəziyyətin son dərəcə gərgin olduğu bildirilir. Ekspertlər xəbərdarlıq edirlər ki, bu hücumlar daha koordinasiyalı və şiddətli olacağı təqdirdə, qitə ciddi xaosla üzləşə bilər.
Məsələn, İrlandiyada üç kabelin kəsilməsi enerji təminatının onda birini dayandıra bilər. Norveç isə Aİ-yə qaz ixracının üçdə birini sualtı boru kəmərləri vasitəsilə həyata keçirir. Bu kimi strateji infrastrukturların hədəf alınması Avropa üçün böyük fəsadlara yol aça bilər.
Təxribatların arxasında Rusiya olduğu ehtimal edilsə də, bunu sübut etmək hələlik mümkün deyil. Lakin ekspertlər hesab edirlər ki, Avropa suları artıq Rusiya ilə yeni növ soyuq müharibənin səhnəsinə çevrilməkdədir.
23:03 07.04.2025
Oxunuş sayı: 553
