Xocalı faciəsindən 33 il keçir
1992-ci il fevralın 26-da Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Xocalı şəhəri işğal edildi. Azərbaycan türklərinə qarşı törədilmiş ən amansız, ən ağır baş vermiş soyqırımdır. Xocalı soyqırımı nəticəsində 63-ü uşaq, 11992-ci il fevralın 26-da Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Xocalı şəhəri işğal edildi. Azərbaycan türklərinə qarşı törədilmiş ən amansız, ən ağır baş vermiş soyqırımdır. Xocalı soyqırımı nəticəsində 63-ü uşaq, 106-sı qadın, 70-i qoca və qarı olmaqla, 613 Xocalı sakini qətlə yetirilib. 8 ailə tamami ilə məhv edilib. 25 uşaq hər iki valideynini, 130 uşaq isə valideynlərindən birini itirib. Bu qanlı soyqırım nəticəsində 76-sı uşaq olmaqla 487 nəfər yaralanıb. 1275 nəfər əsir götürülüb. Əsir götürülənlərdən 150 nəfərin o, cümlədən 68 qadın və 26 uşaq olmaqla taleyi bu günə qədər məlum olmayanlar var. 20-ci əsrin faciəsi təkcə Azərbaycan xalqına deyil, bütün insanlığa, bəşəriyyətə qarşı yönəlmiş ən ağır cinayətlərdən biridir. Xocalı faciəsi əsrin Xatın, Xirosima və Naqasaki kimi faciələri ilə bir sırada dayanır.
1993-cü ildə Azərbaycan Prezidenti Heydər Əliyevin təşəbbüsü ilə fevralın 26-sı tarixi Xocalı faciəsi kimi qəbul olunur. Hər il fevralın 26-sı saat 17-00 da Azərbaycan Respublikası ərazisində Xocalı soyqırımı qurbanları xatirəsi olaraq sükut dəqiqəsi elan olunur. 2002-ci il 25 fevral tarixli müraciətdə qeyd edilir.
“Xocalı şəhidlərinin ruhu qarşısında bizim vətəndaşlıq və insanlıq borcumuzdur. Digər tərəfdən faciənin əsl beynəlxalq hüquqi – siyasi qiymət alması, onun təşkilatçılarının layiqincə cəzalandırılması, bütövlükdə insanlığa qarşı yönəlmiş belə qəddar aktların gələcəkdə təkrarlanmaması üçün mühüm şərtdir”
2014-cü ildə Azərbaycan Prezidenti İlham Əliyev Xocalı soyqırımı haqqında qeyd etmişdir.
“Xocalı faciəsi iki yüz ilə yaxın bir müddət ərzində erməni millətçilərinin və onların havadarlarının xalqımıza qarşı apardığı etnik təmizləmə və soyqırım siyasətinin davamı və qanlı səhifəsi idi”.
2017-ci ildə Bakının Azadlıq meydanından Xətai rayonunda ucaldılan “ Ana Harayı ”abidəsinə dogru hərəkətə başlayan 40 mindən çox insan iştirak edərək bu soyqırım yürüşündə iştirak etmişlər.
Hazırda Xocalı soyqırımının tanınması Azərbaycan xarici siyasətinin əsas istiqamətindən biri kimi sayılır. Bu soyqırımı qətliam kimi tanıtmaq və erməni vəhşiliyini bütün dünyaya sübut etməkdir. Xocalı faciəsi hər il Azərbaycan və dünyanın bir çox ölkələrində qeyd edilərək, Erməni vəhşiliyini əks etdirən foto- stendlər, sənədli filmlər nümayiş olunur. Soyqırımın həqiqətlərini əks etdirən kitablar sərgilənir.
Bu il Xocalı qurbanlarının xatirəsi həmişəkindən fərqli olaraq qələbə əhval- ruhiyyəsi ilə qeyd edilir. 30-ilə yaxın doğmalarının taleyindən narahat olan Xocalı qurbanlarının ruhları rahatlıq tapır. Qaçqın, köçkün sözləri Böyük Qayıdış ifadəsi ilə əvəz olunur. İşğaldan azad olunan torpaqlarımıza əsl sahiblərinin köçü başlayır.
Səbinə Həsənova
Yeni Azərbaycan Partiyası Nizami rayonunun fəal üzvü
16:17 25.02.2025
Oxunuş sayı: 2489
