Rəsmi Bakı təsdiqlədi: “Gürcüstanın “3+3” formatında görüşlərdə iştirakı…”
Gürcüstanın “3+3” formatında görüşlərdə iştirakı müxtəlif səviyyələrdə təşviq edildiyi deyilir.
Azərbaycan Xarici İşlər Nazirliyinin Mətbuat Xidməti İdarəsinin rəisi Ayxan Hacızadə Crossmedia.az-a açıqlamasında bunu təsdiqləyib.
Lakin nazirlik rəsmisi bu formatda növbəti görüşün harada və nə vaxt keçiriləcəyinin hələlik məlum olmadığını vurğulayıb.
Xatırladaq ki, Prezident İlham Əliyevin təşəbbüsü ilə irəli sürülən və region dövlətləri (Azərbaycan, Gürcüstan, Ermənistan, Türkiyə, İran, Rusiya) arasında əlaqələri sıxlaşdırmağı nəzərdə tutan “3+3” formatında sonuncu görüş 2024-cü il oktyabrın 18-də keçirilib.
Gürcüstan tərəfi Rusiya ilə münasibətlər kontekstində torpaqlarının işğalına son qoyulmayana qədər "3+3" formatında iştirak etməyəcəyini bəyan edib.
Fidan Hacızadə
11:39 10.02.2025
Oxunuş sayı: 5188
